الدنيا (الكلام باللهجة التونسية العامية)

اسمع خويا الباهي
هاذي نصيحة منّي ليك
الدنيا هاذي
بلّي فيها
ما تساوي
جناح بعوضة
اسمع يليّ
زاهت الدنيا ليك
ردّ بالك
راهي تخّليك
و بعد الزهو
تولّي عليك
إدمّر لبنادم أعصابه
اسمعني خويا إنوصّيك
الدنيا هاذي
ما هي ليك
ما تعرف
وقتاش
إدّور
و بعد العز
اتشمت فيك
لاعادي
و تتنكر ليك
كيف تجيك الدنيا
قوللها
فيدي انخليك
و في قلبي
ما ني عاطيك
بلاصه
راني
مانيش
مواخيك
يا دنيا
عفّي
و ما تغريني
بشهواتك
ابربّي كفّي
نا راني
حبيت
الدنيا هاذي
نزرعه
محبّة و احسان
و فل و يسمين
في كلّ ثنية
و كلّ جنان
و من قلبي
نقدم
تحية
أمن و محبة و سلام
للّي
يقرا لي
و عندو محبّة لهلْ مكان
منتدانا غالي علينا
إيه
يا حسرة يا زمان
تركوني حبابي
و مشاو
نساو العشرة
ولاّ شنية
من مدّة ما طلّو عليّ
لحكاية
حيرت البال
يا ربّي
بلغهم جمعية
من قلبي
ليهم
تحية
شوق و محبة
لكل واحد منهم
بلسان الحال